Пирло ҳайдаётган чемпионнинг бозори қайнай бошлади

“Ювентус” бош мураббийи Андреа Пирло жаҳон чемпиони Сами Хедирани  кетишини истамоқда. Италиялик мутахассис жамоани қабул қилиб олиши билан, германиялик ярим ҳимоячига асосий таркибдан жой тегмаслигини маълум қилган.

Аввалига, Хедира ўз жойи учун курашишни мақсад қилганди. Лекин вақт ўтиши билан кетмаса бўлмаслигини тушуниб етди.

Хедиранинг шартномаси ёзда якунланади. Бироқ у Турин клуби билан келишган ҳолда, қишда ҳам эркин агент мақомини олиши мумкин.

33 ёшли тажрибали футболчини бепул олиш имкониятидан фойдаланиб қолмоқчи бўлган жамоалар сафи ортиб бормоқда. Ҳозирда “Манчестер Юнайтед”, “Вест Хэм” ва “Эвертон” Хедирани Англияга чорламоқда.