Пирло ўзи истаган жамоага Мессини киритиб, Роналдуни четда қолдирди

Италиялик журналистлар Криштиану Роналду етакчилигидаги “Ювентус”ни қабул қилиб олган Андреа Пирлони уялтириб қўйишди.

Гап шундаки, Пирло бундан беш йил муқаддам орзусидаги жамоа ҳужумида Лионель Мессини кўриш истагини билдирган ва ўзи ўйнатишни истаган 11 нафар футболчи қаторига Криштиану Роналдуни киритмаган эди.

Ўшанда Пирло қуйидаги футболчиларни танлаган эди: Буффон, Кафу, Каннаваро, Мальдини, Лам, Скоулз, Гаттузо, Хави Эрнандес, Кака, Месси ва Индзаги.

“Ювентус” билан икки йиллик шартнома тузган Андреа Пирло орзусидаги футболчилар орасида фақатгина Жанлуижи Буффон билан ишлаш имкониятига эга.