Пирло қачон истеъфога чиқарилади?

"Ювентус" бош мураббийи Андреа Пирло тез орада ўз лавозимидан озод этилиши мумкин. Бу ҳақда Corriere della Sera нашри хабар тарқатмоқда.

Юқоридаги манбанинг берган маълумотига қараганда, 41 ёшли мутахассиснинг “кекса синьора”даги тақдирига 7 апрель куни "Наполи"га қарши бўладиган ўйинда қайд этиладиган ҳисобдан келиб чиққан ҳолда ойдинлик киритилади. Агарда ушбу беллашув “Юве”нинг мағлубияти билан якунланса, у ҳолда Пирло ўша куннинг ўзида истеъфога чиқарилади.

Пирлонинг ишдан олиниши ҳақидаги миш-мишлар анча вақтдан буён давом этиб келмоқда. Бу “Ювентус”нинг Чемпионлар лигаси ва А Сериядаги муваффақиятсизликлари билан боғлиқ.

А Сериянинг 3-туридан ўрин олган "Ювентус" — "Наполи" баҳси 7 апрель куни Тошкент вақти билан соап 21:45да бошланади. Ҳозирча “Ювентус” мусобақа жадвалида 5-ўринда, “Наполи” эса 6-ўринда бормоқда. Ҳар иккала жамоа ҳисобида бир ҳил – 56 тадан очко бор.