Пирло Роналдунинг “сири”ни очди

“Ювентус” бош мураббийи Андреа Пирло жамоа тўпурари Криштиану Роналдунинг 35 ёшида ҳам юқори савияда ўйнай олаётганини “сири” унинг машғулотларга муносабатида эканини таъкидлади.

- Роналду жуда кўп тер тўкади. У машғулотларга биринчи келиб, уйига охири кетади. Криштиану мавсумни зўр бошлади ва охиригача шундай бўлиб қолишига умид қиламан. Мен ундан ҳар бир учрашувда бир-иккита гол кутаман. Роналду биз учун жуда муҳим ўйинчи. Римдаги ўйинда биз кучсиз эдик ва у ўйин охиригача “Ювентус”га катта ёрдам берди. У ҳамма ўйинчилар учун ўрнак, - деди Пирло.

Криштиану Роналду янги мавсумда А Серияда иккита учрашувда майдонга тушиб, учта гол уришга эришди.