Питер Хюистра: "Насаф"ни жиддий ўрганишимизга тўғри келади

Бироз аввал Ўзбекистон Суперлигасининг 2021-йилги мавсумига қуръа ташлаш маросими ўтказилганидан хабардорсиз. Ушбу тадбир якунида амалдаги чемпион "Пахтакор" жамоасининг бош мураббийи Питер Хюистра ўз фикрлари билан ўртоқлашди: 

"Насаф"га қарши тўқнаш келишимизни кутмагандим. Аммо қуръа шуни тақозо этмоқда. "Насаф"ни жиддий ўрганишимизга тўғри келади. Улар жуда чиройли ўйин намойиш этишига аминман. 

Ҳар йили қандайдир ўзгаришлар бўлиб туради. Ҳозирги вазиятимиз ҳам бундан мустасно эмас. Йўқотишлар ўрнини қоплаш мақсадида, кучлироқ тайёргарлик кўришга ҳаракат қиляпмиз. Келинг, барчаси қандай кўриниш олишини кузатамиз. Узоқ давом этувчи мавсум олдида турибмиз. Бироз вақт ўтгачгина аниқ кўра оламиз: "Пахтакор" яхшироқ ҳолатдами ёки йўқ", - деди Питер Хюистра.