Платини Мбаппе қаерда ўйнашини айтди

Франция футболининг афсонаси Мишель Платини янги авлод вакили – Килиан Мбаппенинг келажаги борасида ўз қарашларини маълум қилди.

- Аввалига Килиан Мбаппе ПСЖ билан Чемпионлар лигасида ғолиб чиқиши ва кейин бошқа клубга ўтиши керак. Унга бошқа мамлакат футболи қизиқ. Килиан Англия ёки Испанияга бориши мумкин. У ерда мазза қилиб ўйнайди. Фаолиятининг якуний босқичида АҚШда тўп тепса ҳам бўлади, - деди Мишель Платини.

24 ёшли Мбаппенинг ПСЖдаги фаолияти ҳамон турли мунозараларга сабаб бўлмоқда. Аксарият манбалар ПСЖ бу гал ҳам Чемпионлар лигасидан чиқиб кетганидан кейин ҳужумчининг клубдан кетиши ҳақида ёза бошлади.

Килианнинг парижликлар билан шартномаси 2025 йилнинг ёзигача имзоланган. Унга асосий даъвогар сифатида “Реал” тилга олинмоқда. Шунингдек, ҳужумчи “Манчестер Юнайтед” ва “Челси” нишонида турибди.