Плеага "ҳужум" бошланди

Англия премьер-лигасида иштирок этаётган клублар ўз сафини кучайтириш мақсадида истеъдодли футболчиларни излаш билан овора.

Айни пайтда Англия грандларини ўзига қаратаётган футболчилардан бири Менхенгладбахнинг “Боруссия”сида тўп сурмоқда. 27 ёшли франциялик ҳужумчи Алассан Плеа бугунги кунда бозори чаққон бўлган Лаутаро Мартинес, Эрлинг Холанд, Тимо Вернер каби супер юлдузларни қўлга киритолмаётган клублар учун жуда маъқул номзод.

Шунинг учун бу футболчига “Манчестер Юнайтед”, “Арсенал”, Тоттенхэм” ва “Лестер” оғиз солмоқда. Мазкур жамоаларнинг тинчини ўғрилаган Плеа мавсумда 23 бор майдонга тушиб, 9 та гол ва еттита голли пасга муаллифлик қилди.