Почеттино бошчилигидаги илк учрашувда ПСЖ сафарда очко йўқотди!

Франция 1-Лигаси 18-туридан ўрин олган "Сент-Этьен" - ПСЖ баҳси ўз ниҳоясига етди. Унда Жамоалар 1:1 ҳисобида муроса йўлини танлашди. 

Дастлаб, 19-дақиқада мезбонлар футболчиси Амума ҳисобни очган бўлса, 3 дақиқа ўтар-ўтмас Мойзе Кин ўйиндаги ҳисобни тенглаштирди. Шу ҳисоб ўйин якунига қадар ўзгармади ва ПСЖ сафарда очко йўқотди.

Шундай қилиб, Париж клуби янги бош мураббий Почеттино бошчилигидаги илк расмий баҳсида дурангга имзо қўйди ва турнир жадвалида 2-ўринда қолди. Очколар сони 36 та. 

• 90+4'
  

  Учрашув якунланди! ПСЖ 2021-йилдаги илк баҳсини дуранг натижа билан якунлади. Матнли трансляция Абдулла Маннонов томонидан олиб борилди. Эътиборингиз учун раҳмат!

• 90+3'
  

  Пабло Сарабия ажойиб узатмадан сўнг дарвозага кучли зарба берди, бироқ дарвозабон қаҳрамонлик кўрсатди.

• 90+'
  

  Учрашув асосий вақтига 3 дақиқа вақт қўшиб берилди.

• 88'
  

  "Сент-Этьен"да ўзгариш: Денис Буанга ўрнига Альфа Сиссоко майдонга тушди.

• 87'
  

  Дракслер бурчак тўпини яхши ижро эта олмади.

• 85'
  

  Анхел Ди Мария ўрнига Пабло Сарабия майдонга тушди.

• 84'
  

  Ўйин қоидасини бузганлиги учун Дракслер карточка билан огоҳлантирилди.

• 83'
  

  "Сент-Этьен" сафида бир йўла 3 ўзгариш амалга оширилади: Амума, Норден ва Юсуф ўрнига Аушиш, Аби ва Муффек майдонга тушди.

• 80'

  Дарвозага йўлланган жами аниқ зарбалар статистикаси: 5-4!

• 77'
  

  Панайотис Рецос сариқ карточка билан жазоланди.

• 76'
  

  ПСЖ фойдасига бурчак тўпи. Ижрочи Ди Мария. Яна ўша сценарий, муваффақиятсиз уриниш, бироқ ранг-баранглик бор.

• 73'

  Мойзе Кин жарима майдони ташқарисидан туриб кучли зарба берди, тўп эса бирозгина юқорилаб кетди.

• 70'
  

  Ромен Амума бурчак тўпини ижро этди. Мудофаа чизиғи бироз қийинчиликка учради.

• 69'
  

  Ди Мария бурчак тўпи тепади. Бироқ муваффақиятсиз ижро.

• 68'
  

  Мезбон жамоа аъзоси Амума офсайдда қолиб кетди.

• 66'
  

  Бадебуз бурчак тўпини ижро этади. Ромен Амума берган зарба бироз ноаниқлик туфайли бесамар кетди.

• 65'
  

  Денис Буанганинг жарима майдони ташқарисидан туриб берган ўта кучли зарбасини дарвозабон Кейлор Навас супер сейви билан бартараф этди.

• 64'
  

  "Сент-Этьен" сафида ҳам ўзгариш: Кевин Монне-Паке ўрнига Бадебуз майдонга тушди.

• 63'
  

  ПСЖ сафида 2 ўзгариш амалга оширилди: Идрисса Гейе ва Колин Дагба ўрнига Дракслер ва Пембеле ўйинга қўшилди.

• 61'

  Мезбонлар аъзоси Денис Буанга қўпол ўйнади. Ҳакам жарима зарбаси белгилади.

• 59'

  Колин Дагба жарима майдончаси ичига тўпни узатиб берди, мудофаа чизиғи ўз ўрнида.

• 57'

  Ромен Амума жарима зарбаси тепади. ПСЖ ҳимояланмоқда.

• 54'

  Андер Эррера ўйин қоидасини қўпол равишда бузди. Бироқ Клеман Тюрпень уни бу вазият учун оғзаки огоҳлантириш билангина чекланди.

• 53'

  Мбаппе бир неча ҳимоячини алдаб ўтган ҳолда тўпни зарба позициясигача олиб борди, бироқ унинг зарбасига аниқлик етишмади.

• 51'

  ПСЖ қисқа паслар орқали ўйинни назорат қилмоқда. "Сент-Этьен" асосан қарши ҳужумларда ҳаракат қилмоқда.

• 49'
  

  Ромен Амума бурчак тўпини ижро этди, ҳимоячилар ишонч билан тўпни қайтаришди.

• 48'

  "Сент-Этьен" футболчиси Матье Дебьюши жарима майдони ичига узатма амалга оширди, Навас ҳаммадан тез тўпга сакраб чиқди ва уни қайтарди.

• 46'
  

  2-бўлим бошланди!

• 45'

  Футболчилар майдонга қайтишмоқда, биз ҳам қайтамиз.

• 45+1'
  

  1-бўлим якунланди. ҳозирча ҳисоб 1-1. Танаффус.

• 45+'
  

  1-таймга 1 дақиқа вақт қўшиб берилди.

• 44'
  

  "Сент-Этьен" такрорий бурчак зарбасини ижро этади. Зарба ҳимоячиларга тегиб, йўналишини ўзгартирмоқда.

• 43'
  

  Ромен Амума бурчак тўпин ижро этди, Маркиньос тўпни эгаллаб олиб, уни узоқлаштирди.

• 41'

  Митчел Баккер яна бир қулай вазиятдан фойдалан олмади. Бу сафар дарвозабон яхши ўйнади.

• 39'

  Айни дамда тўп назорати статистикаси: 29-71!

• 36'

  Ди Мария Мбаппени яккама якка вазиятга чиқариб юборувчи пас берди, бироқ Мбаппе тўпни олдириб қўйди.

• 34'

  Митчел Баккер берган калит пас ҳимоячилар томонидан блокланди ва қарши ҳужумга ўтиб кетилди.

• 31'

  Ди Мария бурчакдан тўпни Дагбага узатиб берди, бироқ Колен тўпни эгаллай олмади.

• 28'
  

  Ди Мария бурчакдан тўпни ичкарига ажойиб тарзда етказиб берди, бироқ ҳимоячилар яхши ўйнашди.

• 27'

  Ди Мариянинг узатмаси баландлаб кетди. Шериклари унга эга чиқа олмади.

• 24'

  ПСЖни тўпни назорат қилмоқда. Қисқа паслар уларнинг қуролига айланиб бормоқда.

• 23'
  

  ГООООООООООООООООЛЛЛ!!! ПСЖдан тезкор жавоб! Верраттининг супер узатмасини Мойзе Кин дарвозага тўғирлаб юборди! 1-1!

• 19'
  

  ГООООООООООООООООООООООЛЛЛ!!! "Сент-Этьен" ҳисобни очди! Ромен Амума гол муаллифи.

• 17'

  Жесси Мулен ўйинни ўқишда давом этмоқда. Ҳозирда у ўйинни ўқиётган ягона футболчи.

• 15'

  Мбаппе дриблинг амалга ошириб ичкарига ёриб кирди, бироқ зарба блокланди.

• 13'
  

  Бурчакдан Ди Мария узатган тўпни Маркиньос боши билан дарвозага йўллади, зарба ўта хавфли чиқди, бироқ ҳимоячилар охирги сонияда вазиятни бартараф этишди.

• 12'
  

  Анхел Ди Мария бурчак тўпини яна бир бор ижро этди, бироқ бу сафар ҳам омадсиз.

• 10'
  

  ПСЖ бурчак тўпидан тезкор тарзда фойдаланди, бироқ муваффақиятсиз.

• 10'
  

  Мойзе Киннинг жарима майдони ичидан йўллаган аниқ зарбасини дарвозабон қайтариб қолди!

• 9'
  

  Амуманинг ўзи бурчак зарбасини ижро этади.

• 8'

  Ромен Амума жарима майдони ичига ажойиб кросс амалга оширди, ҳимоячилардан бири тўпни чиқариб юборди.

• 7'

  Килиан Мбаппенинг жарима майдони ичига узатган тўпини ҳимоячилар узоқлаштирди.

• 6'

  Мезбонлар аъзоси Метье Дебуши қулай вазиятдан фойдалана олмади. 

• 5'

  ПСЖ уюштирган тезкор қарши ҳужум бурчак тўпи билан якунланди.

• 3'
  

  Ромен Аммуна бурчакдан тўпни аниқ тарзда узатди, бироқ ҳимоячилардан бири тезкорлик билан тўпни узоқлаштирди.

• 2'

  Мезбонлар ижро этган жарима зарбасини ҳимоячилар ташқарига чиқариб юборди. Бош ҳакам бурчакни кўрсатди.

• 1'

  Тило Керер ўйин қоидасини бузди. Қўполлик сабабли "Сент-Этьен" жарима зарбаси тепади.

• 1'
  

  Ўйин бошланди!

• 0'

  Футболчилар майдонга чиқиб келишмоқда. Ўйин саноқли дақиқалар ичида старт олади.

• 0'

  Ассалому алайкум, қадрли футбол ихлосмандлари! Франция 1-Лигаси 18-туридан ўрин олган "Сент-Этьен" - "ПСЖ" баҳсига хуш келибсиз. Сайтимиз Париж суперклубининг 2021-йилдаги илк баҳсини сизга матнли кўринишда тақдим этади. Матнли трансляцияни Абдулла Маннонов олиб боради.