Почеттино Мессининг ПСЖга ўтиши мумкинлиги ҳақида тарқалган хабарларга муносабат билдирди

"Пари Сен-Жермен" бош мураббийи Маурисио Почеттино "Барселона"форварди Лионель Мессининг ПСЖга кутилаётган эҳтимолий трансфери ҳақида гапирди.

“Санта-Клаус аллақачон жуда катта ишларни амалга оширди ва ПСЖга қайтишимга ёрдам берди. Менга имконият бергани учун Ал-Хелаифий ва Леонардодан миннатдорман. Биз биламизки, ПСЖ амбицияли ва дунёнинг энг йирик клубларидан бири.

Мен Неймар Месси билан бирга ўйнашни хоҳлаётганини эшитганман. Аммо энди бор эътиборимни янги иш жойига мослашишга қаратганман. Нима учун мендан бу ҳақда сўраётганингизни тушунаман. Келажакда биз Месси мавзусини муҳокама қилишга улгурамиз”, - деди аргентиналик мутахассис.

33 ёшли Мессининг ёзда “Барселона” билан амалдаги шартномаси якунланади ва у эркин агентга айланади.