Почеттино "Тоттенхэм" билан шартномани узайтиришга рози, фақат...

Лондоннинг "Тоттенхэм" клуби бош мураббийи Маурисио Почеттино жамоа билан амалдаги шартномасини фақат бир шарт билан узайтиришга рози.

The Telegraph нашри тарқатган хабарга кўра аргентиналик мутахассис раҳбариятга ёзда жамоага кучли футболчиларни жалб этиш ва етакчи футболчиларни таркибда сақлаб қолиш шартини қўйган.

Агар “шпорлар” хўжайини Дэниэл Леви Почеттинони ушбу шартига рози бўлса, 46 ёшли мутахассис клуб билан келишувини узайтиради ва йилига 9,7 млн евро маош олади.

Эслатиб ўтамиз, “Тоттенхэм” жорий мавсум АПЛни 77 очко билан 3-ўринда якунлади.