Погба Франция терма жамоасида ўйнамайди

“Манчестер Юнайтед” юлдузи Поль Погба Миллатлар Кубоги мусобақаси доирасида бўладиган учрашувларда иштирок эта олмайди.

Франция терма жамоаси бош мураббийи Дидье Дешам машҳур футболчида коронавирус аниқлангани боис, унинг ўрнига “Ренн”нинг 17 ёшли ярим ҳимоячиси Эдуардо Камавингани таркибга қўшганини маълум қилди.

Шунингдек, “Тоттенхэм”нинг энг қиммат ўйинчиси Танги Ндомбеле ҳам Франция терма жамоасидан четда қолди. Унда ҳам коронавирус борлиги тасдиқланди.

Франция сентябрь ойининг бошида Швеция ва Хорватия терма жамоалари билан куч синашиши лозим.

Матнда хатолик топсангиз, ўша хатони белгилаб, бизга жўнатинг (Ctrl + Enter)