Pogba MYuni tark etishiga sha’ma qilmoqda

"Manchester Yunayted" klubi yarim himoyachisi Pol Pogba oldiga yangi maqsadlar qo‘yishni xohlayotganini aytib o‘tdi.

- Kelajagim haqida ko‘p mish-mishlar borligidan xabarim bor. Manchesterda ajoyib uch mavsumni o‘tkazdim. Albatta, yaxshi yomon kunlarni boshimdan kechirdim, tan olish lozim yakunlangan mavsum men uchun eng muvaffaqiyatli bo‘ldi.

O‘ylashimcha, o‘z oldimga yangi maqsadlar va vazifalar qo‘yishim darkor. Xozirda, ushbu masalada ish yurityapmiz, - dedi Pogba Tokioda adidas tashkillashtirilgan marosimda.

Ma’lumot uchun, 26-yoshli futbolchiga "Real" va "Yuventus" qiziqish bildirmoqda, MYu uning transfer narxini 150 million evroga baholagan.