Погба "Реал"га ўтади

“Манчестер Юнайтед” ярим ҳимоячиси Поль Погба фаолиятини қаерда давом эттириш борасида бир қарорга келди.

Daily Star тарқатган хабарга қараганда, 28 ёшли франциялик футболчи 2022 йилнинг ёзида, яъни МЮ билан шартномаси якунлангач, “Реал”га ўтмоқчи.

Погба АПЛнинг янги 2021/2022 йилги мавсумини ажойиб бошлади. У “Лидс”га қарши ўйинда 4 та голга ассистентлик қилди. “Манчестер Юнайтед” шу куни 5:1 ҳисобида ғалаба қозонди.

Нуфузли transfermarkt портали талқинига кўра, Погбанинг айни дамдаги трансфер нархи 60 миллион еврони ташкил этади.

Бундан аввалроқ, Поль Погбага ПСЖ жиддий қизиқиш билдираётгани ҳақида хабарлар тарқалган эди.