Погба учун кутилмаган даъвогар пайдо бўлди

«Манчестер Юнайтед» ярим ҳимоячиси Поль Погба келаси ёзда фаолиятини «Барселона»да давом эттириши мумкин. Бу ҳақда "Fichajes" нашри хабар беради.

Манбага кўра, каталонияликлар футболчини эркин агент сифатида сотиб олишга ҳаракат қилади.

Аввалроқ, Полга «Реал» ва ПСЖдан ҳам қизиқишлар бўлаётгани ҳақида хабарлар тарқалганди. Бироқ футболчининг ўзи ҳали келажаги борасида аниқ қарор қабул қилмаган. У айни дам Сульшер қўл остида ишлашга қарши эмас.

Эслатиб ўтамиз, Погба 2016 йили «Ювентус»дан 105 миллион евро эвазига МЮга кўчиб ўтган эди. У жорий мавсум АПЛда 4 та ўйин ўтказиб, 7 та голли узатмани амалга оширди.