Пол Мерсон: "Манчестер Юнайтед" Рубен Аморимни тайинламаслиги керак эди"

Англия терма жамоасининг собиқ ҳужумчиси Пол Мерсон "Манчестер Юнайтед" раҳбариятининг Рубен Аморимни бош мураббий этиб тайинлаш қарорига танқидий муносабат билдирди.

"Унинг "футболчилар катта баёнот берди" дегани, менинг назаримда, улар унга ўйнаб бермаётганини англатади. Кейин у "22 нафар футболчини алмаштира олмайман" деди, яъни кетиши кераклигини ҳис қилди.

Мен "Уолсолл"да мураббий бўлганман. Билиш мумкин, ҳис этилади – бирор нарса нотўғри кетяптими, йўқми.

Аморим келганида ҳамма унинг уч ҳимоячи билан ўйнашини биларди. МЮ бундан хабардор эди. У бу ишни ўз услуби туфайли олди. Лекин "Юнайтед" ҳеч қачон бундай услубга мос футболчиларга эга бўлмаган. Унга бутун жамоани ўзгартиришга тўғри келарди. Бу эса амалга ошмайди. Шу билан бирга, у ўз услубидан воз кечмайди.

Аморим Португалиядан дунё футболидаги энг йирик лавозимлардан бирига ўз услуби билан келди. Нима учун ўзгариши керак? У мавсум ўртасида келишни ҳам истамади, чунки бу унинг футболчилари эмаслигини биларди. Лекин охир-оқибат келишга мажбур бўлди ва бу қийинчиликка айланди. Бу мавсумда эса барчаси иш бермади.

Аморим эҳтимол "Мен рақибдан кўпроқ гол уришим керак" деган қарорга келди. Олдин чизиқда унда Браян Мбёмо, Матеус Кунья ва Беньямин Шешко бор. Бруну Фернандеш ҳам ҳужумга қўшилади. Лекин менимча, унда бу иш бермайди", – дея таъриф бериб ўтди Пол Мерсон.