Польша Италиядан очко тортиб олишни уддалади

УЕФА Миллатлар Лигаси 3-туридан ўрин олган Польша ҳамда Италия терма жамоалари ўртасидаги учрашув якунланди. Унда 0:0 ҳисоби қайд этилди.

Ҳужумчилар қанча ҳаракат қилмасин, гоҳ ҳимоячилар, гоҳ дарвозабонлар жонбозлик кўрсатиб, ҳисоб очилишига йўл қўймади. Кўпроқ ҳужум уюштирган италияликлар Польша дарвозасини ишғол эта олмади.

Ушбу натижадан кейин, А лига 1-гуруҳида Италия 5 очко билан пешқадамлик қилаётган бўлса, Польша 4 очко тўплаган ҳолда, 3-поғонани банд этган.

  • 90+3'

    Учрашув якунланди! Матнли трансляция Жавоҳир Азимов томонидан олиб борилди.

  • 90+2'

    Локателли жарима майдони ичида тўпга ета олмади. Ҳисоб очилишига бир баҳя қолди.

  • 90+1'

    Рақибини қўллари билан ушлаб қолган Ачерби огоҳлантирилди.

  • 90'

    Асосий вақтга 3 дақиқа қўшиб берилди.

  • 89'

    Криховякнинг яқин масофадан йўллаган зарбаси рекашет натижасида дарвоза тўрига ташқи томондан келиб урилди.

  • 87'

    Берардининг кучли зарбаси ҳимоячига тегиб, майдонни тарк этди.

  • 85'

    Мезбонлар футболчиси ўйиндан ташқари ҳолатда қолиб кетди.

  • 83'

    Шунингдек, Белотти ва Пеллегрини ўрнига Капуто ҳамда Берарди ўйинга қўшилди.

  • 82'

    Левандовски ҳамда Юзвяк захирага олинди. Уларнинг ўрнига Линетти ва Карбовник майдонга тушди.

  • 80'

    Эмерсон жарима майдони ичида тўпни ўзидан узоқлаштириб юборди. Натижада, голли вазият қўлдан кетди.

  • 79'

    Барелла ўрнига Локателли ўйинга қўшилди.

  • 78'

    Белотти сариқ карточка олди.

  • 77'

    Барелланинг узатмаси жамоадошларигача етиб бормади.

  • 75'

    Кин қулай вазиятда зарба ўрнига пас берди. Унинг бу қарори хатолигини вазият бой берилганидан кейингина тушунди.

  • 73'

    Тўп бир жамоада узоқ вақт мобайнида турмаяпти. Ҳар икки жамоа аъзолари уни тезда олиб қўймоқда.

  • 71'

    Аркадиуш Милик ҳам ўйинга қўшилди. Унинг ўрнига Клих захирага олинди.

  • 70'

    Кьеза ўрнига Мойзе Кин майдонга тушди.

  • 69'

    Кьеза жарима майдонига язши ёриб кирди. Лекин зарба йўллашга кечикди. Кеийн эса тўпни орқага қайтаришга мажбур бўлди.

  • 67'

    Мезбонлар прессинг уюштирмоқда. Натижада, тўп назорати тез-тез алмашмоқда.

  • 64'

    Кьезанинг узатмасидан сўнг Эмерсон бош билан зарба йўллади. Бироқ унинг зарбасига аниқлик етишмади.

  • 63'

    Гросицкий ҳужумда қоида бузди.

  • 62'

    Барелла Пеллегринининг узатмасига ета олмади.

  • 59'

    Шиманьский ўз ўрнини Гросицкийга бўшатиб берди.

  • 57'

    Эмерсоннинг узатмасини олдироққа чиққан Фабьяньский ушлаб олди.

  • 55'

    Белоттига нисбатан қоидани бузган Кендзёра огоҳлантирилди.

  • 54'

    Флоренци қанотда рақибини алдаб ўтди. Аммо катта тезлик олаётганида унинг қўлига урилиб майдонга йиқилди. Бош ҳакам жим.

  • 52'

    Модернинг узатмаси зарбага айланиб кетди. Доннарумма ўз ўрнида!

  • 50'

    Барелланинг кучли зарбаси жонли девордан ўтмади.

  • 49'

    Жарима майдонига яқин ҳудудда Вераттига нисбатан қоида бузилди. Меҳмонларда яхши стандарт вазият юзага келди.

  • 48'

    Бурчакдан оширилган тўпни польяк ҳимоячилари қайтариб юборди.

  • 46'

    Иккинчи тайм бошланди!

  • 45'

    Биринчи таймга вақт қўшиб берилмади. Танаффус!

  • 42'

    Финт ишлатаётган Левандовскига нисбатан Барелла қоидани бузди.

  • 40'

    Ҳар икки жамоа вакиллари ҳам кескин ҳужумлар уюштирмоқда. Улар бўлимни гол билан якунламоқчи.

  • 37'

    Польякларнинг Левандовскига бераётган узатмалари манзилига етиб бормаяпти. Ҳимоячилар уни яхши қўриқламоқда.

  • 35'

    Кьезанинг юзига зарба бериб юборган Берешиньский огоҳлантирилди.

  • 34'

    Жарима майдони марказига узатилган тўпни Белотти усталик билан шеригига ўтказиб юборди. Бироқ Пеллегрини унинг бундай қарор қабул қилишини кутмаган эди.

  • 33'

    Белотти ҳужумда қоида бузди.

  • 31'

    Польша жарима майдонида палапартишлик юзага келди. Ҳимоячилар бир амаллаб тўпни майдон ташқарисига чиқаришни уддалади.

  • 30'

    Юзвякнинг бош билан берган зарбаси дарвозабонга қийинчилик туғдирмади.

  • 29'

    Кьезанинг зарбаси тўсин юқорисидан ўтиб кетди.

  • 26'

    Пеллегрини жарима майдони ичида Шиманьский билан тўқнашиб кетди. Ҳакам қоида бузилмаганини маълум қилди.

  • 25'

    Польяклар орқа чизиқда тўп назоратини амалга оширмоқда. Меҳмонлар прессингда.

  • 23'

    Белоттининг зарбасини дарвозабон эгаллаб олди.

  • 22'

    Манчини шогирдлари жарима майдони ичига ёриб киришга қийналмоқда. Мезбонлар тартибли ҳимояланмоқда.

  • 20'

    Флоренци яхшироқ позицияда турган Кьезага тўпни узатиш ўрнига зарба йўллади. Тўп ҳимоячидан ўтмади.

  • 19'

    Левандовскининг режаларини шериклари олдиндан пайқай олмаяпти. Кетма-кет вазиятлар шу туфайли қўлдан чиқмоқда.

  • 17'

    Дарвозабон қаршисида қолган Левандовски ҳисобни очиши мумкин эди. Аммо Эмерсон вазиятга аралашиб, тўпни узоқлаштирди.

  • 16'

    Меҳмонлар марказда тўпни назорат қилмоқда.

  • 14'

    Эмерсон жарима майдони ичида Белоттига тўпни секингина ташлаб берди. Бироқ ҳужумчи тўпга мослаша олмади ва вазият бой берилди.

  • 13'

    Левандовски жамоадошининг бироз ноқулай узатмасига етиб бора олди, аммо дарвозабон унга зарба бериш имкониятини қолдирмади.

  • 12'

    "Скуадро адзуро" вакиллари қанотларни фаол ишга солмоқда.

  • 11'

    Белоттининг қулай узатмасини Кьеза кўкка совурди.

  • 9'

    Майдон марказида Криховяк билан Ачерби ўзаро тўқнашиб кетди. Ҳакам меҳмонлар фойдасига қарор чиқарди.

  • 7'

    Барелла бурчак тўпидан тўғридан-тўғри зарба берди. Бироз ноаниқ.

  • 5'

    Белотти ҳужумда қоида бузди. Тўп йўқотилди.

  • 3'

    Итальянлар эрта прессинг уюштирмоқда.

  • 1'

    Илк дақиқадаёқ Клих олдинга ўтди ва жарима майдонига узатма амалга оширди. Бироқ тўп Левандовскигача етиб келмади.

  • 1'

    Учрашув бошланди!

  • 0'

    Футболчилар майдонга тушиб келди. Миллий мадҳиялар янгради!

Фикрлар

Фикр қолдириш учун авторизациядан ўтинг!