"Порту" клуби раҳбарияти жамоанинг “Монако”да тўп сураётган собиқ ҳужумчиси Радамель Фалькаони ортга қайтариш ҳақида ўйлай бошлади.

Le 10 Sport нашри тарқатган хабарга кўра Португалия гранди 33 ёшли колумбиялик футболчига таклиф билан чиққан ва ҳозирда унинг жавобини кутмоқда.

Таъкидлаш керакки, Фалькао учун курашда шунингдек Туркиянинг “Галатасарой” клуби ҳам жиддий қизиқиш билдирмоқда.

Маълумот учун, Фалькао ўтган мавсум “Монако” сафида жами 39та ўйинда майдонга тушди ва 16та гол ҳамда 2та голли узатма ёздириб қўйишга эришди. Унинг клуб билан амалдаги шартномаси 2020 йилга қадар имзоланган.