Португалия. Рашидовнинг жамоаси асосий рақобатчисини мағлуб этди

Ҳамюртимиз Сардор Рашидов фаолият олиб борадиган "Насьонал" клуби бу тур ўз майдонида "Тондела"ни қабул қилди. Голларга бой тарзда кечган учрашувда мезбонлар ғалаба қозонишди - 3:2.

Рашидов беллашувни асосий таркибда бошлади ва 77-дақиқада захирага олинди. Шу тариқа "Насьонал" ҳисобидаги очколар сони 26 тага етди ва жамоа турнир жадвалида 12-ўринга кўтарилиб олди. Жамоа ўзининг келгуси ўйинини 10 март куни сафарда "Портимоненси" клубига қарши ўтказади.

Португалия Примейра-лигаси. 24-тур

"Насьонал" - "Тондела" 3:2.