Португалия терма жамоасига янги мураббий келади

Туркиянинг "Фенербахче" клуби бош мураббийи Жозе Моуриньо Португалия миллий терма жамоасининг кейинги устози бўлиши кутилмоқда. Бу ҳақда "HT Spor" нашри хабар бермоқда.

Манба маълумотларига кўра, 62 ёшли португалиялик мутахассис аллақачон миллий жамоа билан дастлабки келишувга эришган. Моуриньонинг расман тайинланиши июнь ойида бўлиб ўтадиган Миллатлар лигаси якуний ўйинларидан сўнг эълон қилиниши кутилмоқда.

4 июнь куни Роберто Мартинес раҳбарлигидаги Португалия терма жамоаси Миллатлар лигаси ярим финалида Германия билан куч синашади. Иккинчи ярим финалда Испания ва Франция тўқнашади. Турнирнинг финал тўқнашуви 8 июнда бўлиб ўтади.