Португалиялик агент: "Роналду ҳозир терма жамоанинг энг яхши ҳужумчиси эмас"

Машҳур португалиялик футбол агенти Паулу Барбоза жаҳон чемпионати олдидан Криштиану Роналду ҳақида айтган фикрлари билан эътибор марказида қолди. Унга кўра, 41 ёшли Роналду ҳозирги пайтда ҳатто терма жамоа ичида ҳам энг яхши ҳужумчи эмас.
 

Барбоза ўз фикрини давом этар экан, Гонсалу Рамушни Криштиану Роналду учун муносиб алтернатива сифатида кўраётганини таъкидлади. Агентининг фикрича, Роналду энди юқори суръатда бутун ўйинни бир маромда ўтказишга тайёр эмас.
 

Эслатиб ўтамиз, жаҳон чемпионати гуруҳ босқичида Португалия терма жамоаси ДР Конго (17 июн), Ўзбекистон (23 июн) ва Колумбия (28 июн) жамоаларига қарши майдонга тушади.