Португалиялик ўрнига португалиялик келади

“Марсель” клуби раҳбарияти бош мураббий Андре Виллаш-Боаш ўрнига муносиб номзод қидиришни бошлаб юборди.

Ҳозирча уларнинг шорт-листидан “Монако”нинг собиқ устози Леонарду Жардим ва “Лилль” клуби бош мураббийи Кристоф Гальтье жой олган. Бу ҳақда L’Équipe нашри хабар бермоқда.

Эслатиб ўтиш лозимки, жорий ҳафта португалиялик мутахассис Виллаш-Боаш клуб президенти Жак-Анри Эйро билан келиша олмай қолгани сабаб “Марсель”дан кетишга қарор қилгани ҳақида хабарлар тарқалди. Ундан олдин эса, клуб спорт директори ҳисобланган Андони Субисаррета ўз ихтиёрига кўра ишдан кетди.