Престианни: “Винисиус эшитган нарсасини нотўғри тушунган”

"Бенфика" вингери Жанлука Престианни "Реал" ҳужумчиси Винисиус Жуниор томонидан ўзига нисбатан қўйилган ирқчилик айбловларига жавоб қайтарди.

"Шуни аниқ айтмоқчиманки, мен ҳеч қачон Винисиус Жуниорга нисбатан ирқчилик ҳақоратларига йўл қўймаганман, афсуски, у эшитган нарсасини нотўғри тушунган. Мен ҳеч қачон ҳеч кимга нисбатан ирқчи бўлмаганман ва Мадриднинг "Реал" клуби мухлисларидан олган таҳдидларимдан афсусдаман", - дея Престианининг сўзларини келтиради журналист Фабрицио Романо.

Эслатиб ўтамиз, иккинчи бўлимда "қаймоқранглилар"нинг бразилиялик ҳужумчиси Винисиус Жуниор "Бенфика" футболчиси Жанлука Престианни уни маймун деб атаганини айтганидан кейин ўйин тўхтатилган эди.