Престианни Винисиус уни биринчи бўлиб "гном" деб атаганини айтмоқчи

“Бенфика” ярим ҳимоячиси Жанлука Престианни Мадриднинг “Реал” клуби ҳужумчиси Винисиус Жуниорга нисбатан ирқчилик мазмунидаги ҳақоратлар ишлатишда айбланмоқда. Футболчи Чемпионлар лигасидаги ўзаро учрашув (0:1) вақтида айтилган ноўрин гаплари бўйича шундай баёнот бермоқчи: унинг сўзларига кўра, бразилиялик футболчи аввал уни “гном” деб атаган, шундан кейин у жавобан кескин фикр билдирган. Бу ҳақда The Times хабар бермоқда.

Манба маълумотига кўра, аргентиналик футболчи ўз ҳимоясини айнан Винисиус томонидан айтилган ҳақоратга жавоб қайтаргани асосида қурмоқчи. Бироқ таъкидланишича, бундай далил камситувчи ёки дискриминатсион мазмундаги ҳақоратлар учун оқлов сифатида қабул қилинмайди.

Шунингдек, манбада қайд этилишича, Престианнининг бўйи 165 сантиметрни ташкил этади.