Превью. "Андижон" - ОКМК

Суперлиганинг 7-турида “Андижон” жамоаси ўз майдонида Олмалиқнинг ОКМК клубини қабул қилади. 

Ўзаро статистика шуни кўрсатмоқдаки, жамоалар миллий чемпионатимиз тарихи мобайнида ўзаро 28 маротаба куч синашишган. “Андижон”нинг ҳисобида 5, ОКМКда эса 18 ғалаба бор. Яна 5 та ўйинда дуранг қайд этилган. Тўплар нисбати 34\55 ОКМК фойдасига. 

Ўтган йили биринчи даврада Олмалиқда ўтказилган учрашувда ОКМК 4:3 ҳисобида ғалаба қозонган. Иккинчи даврадаги баҳсда эса “Андижон” ўз майдонида 1:0 ҳисобида устун келган. 

Эслатиб ўтамиз, “Андижон” - ОКМК беллашуви 12 апрел куни соат 18:15 да бошланади.