Превью. "Қўқон-1912" - "Андижон"

Бугун Қўқондаги “Марказий” стадионда водий дербиси доирасида “Қўқон-1912” ҳамда “Андижон” жамоалари ўртасида қизиқарли беллашув бўлиб ўтади.

Ўтган йили биринчи даврада Қўқондаги ўйинда 1:1 ҳисоби қайд этилган. Андижонда эса майдон эгалари рақибини 3:0 ҳисобида таслим қилган. Ўша баҳсда "Андижон"дан голларга Дамир Темиров (дубл) ва Ислом Маматказин муаллифлик қилишган. 

Иштирокчилар чемпионат мобайнида 30 маротаба беллашишган бўлиб, “Андижон”да 10, “Қўқон-1912” ҳисобида 11 та ғалаба бор. Яна 9 та ўйиндан кучлар тенг келган. Тўплар нисбати 49\42 “Андижон” фойдасига. 

Бугунги ўйин 18:15 да бошланади.