Про-лиганинг март ойидаги энг яхши футболчи ва мураббийи эълон қилинди

Ўзбекистон Профессионал футбол лигаси матбуот хизмати Про-лиганинг ортда қолган март ойи лауриатларини эълон қилди.

Унга кўра, “Машъал” устози Дилявер Ваниев ойнинг энг яхши мураббийи, “Турон” ҳужумчиси Ҳумоюн Муртозаев ойнинг энг яхши футболчиси деб топилди.

Таъкидлаш керакки, Ваниев бошқарувидаги “Машъал” март ойида 4 та ўйин ўтказди ва уларда 3 та ғалаба ҳамда 1 та дуранг қайд этди. Муртозаев эса “Турон” сафида 4 та ўйинда 3 та гол уришга эришди.