Профессионал муайтайчимиз Бобур Тагиев чемпионлик камари учун жанг қилади

25 февраль куни БААнинг Дубай шаҳрида ўзига хос профессионал муайтай кечаси ташкил этилади. UAM промоушени томонидан ташкил қилинаётган, ушбу жанг кечасида ҳамюртимиз Бобур Тагиев ҳам рингга кўтарилади. 

У эски таниши франциялик Валентин Тибаут билан жанг қилади. Улар 2021 йилнинг июнь ойида ҳам тўқнаш келган ва унда ҳамюртимиз ғалаба қозонган эди. Бу ўзига хос реванш жанги бўлиб, ўртага WMC International камари тикилган. 

Ушбу қарама-қаршилик 69.85 кг вазн тоифасида ўтказилиб, 3 минут ва 5 раунддан иборат бўлади. Ўйлаймизки, ҳамюртимиз бу сафар ҳам ғалаба қозониб, юртимизга чемпионлик камари билан қайтади. Бу борада унга омад тилаймиз!