ПСЖ - "Истанбул" ўйинида ирқчилик қилган ҳакамга қандай жазо қўлланилади?

Чемпионлар Лигаси 6-туридан ўрин олган ПСЖ - "Истанбул" баҳсида ишлаган ёрдамчи ҳакам Себастьян Колтеску ирқчилик қилгани учун 10 та ўйинга четлатилиниши мумкин. Бу ҳақида "The Times" нашри хабар тарқатди.

Учрашув мутасаддилари УЕФАнинг тартиб-интизом қўмитаси қоидаларига бўйсунади. Унда ирқчиликнинг ҳар қандай ҳолати учун энг камида 10 та ўйинлик дисквалификация белгиланган. Маълум бўлишича, захира ҳаками сифатида ишлаган руминиялик рефери ёрдамчи мураббий Пьер Вебони қора танли, деб атаган. Бу камерунлик мутахассис ва захира ўриндиғида ўтирган Демба Бага ёқмаган.

Кейинчалик, истанбуллик футболчилар ўйинни давом эттиришдан бош тортди ва майдонни тарк этди. Ўз навбатида, парижликлар ҳам бу қарорни қўллаб-қувватлади. Натижада, учрашув бошқа санага қолдирилди. Ушбу баҳс бугун Тошкент вақти билан 22:55 да қайта ўтказилади.