ПСЖ - "Реал": Матнли трансляция

Уефа чемпионлар лигаси нимчорак финалидан ўрин олган ПСЖ - "Реал" учрашуви бошланишига кам вақт қолди. Мазкур ўйиндан матнли трансляцияни сайтимиз орқали кузатиб боринг. 

• 90+5'
  

  Учрашув якунига етди. Мазкур баҳсда парижликлар ўз майдонида "Реал"дан 1:0 ҳисобида устун келди. 

  
• 90+4'
  

  ГОООООООЛ! Мбаппе 90+4 дақиқада гол уриб ПСЖни олдинга олиб чиқмоқда. 

• 90'
  

  Ўйиннинг асосий вақтига 4 дақиқа қўшиб берилди. 

• 87'

  Неймар ўткир бурчак остидан Куртуанинг устидан тўпни ташлаб қўйди, бироқ ноаниқ. 

• 82'
  

  Винисиус ўрнига Эден Азар майдонга тушди. Шунингдек, Модрич ўрнига Вальверде ўйинга қўшилди. 

• 78'

  Мбаппенинг ўткир бурчак остидан йўллаган зарбаси дарвозаси устуни ёнидан ўтиб кетди. 

• 75'

  Месси йўллаган жарима зарбаси бироз ноаниқ чиқди. 

• 74'

  Неймар майдонга тушиши биланоқ жарима зарбаси ишлади. 

• 72'
  

  Ди Мария ўрнига Неймар майдонга тушди. 

• 72'
  

  Карвахаль ва Асенсио майдонни тарк этди. Родриго ва Васкес ўйинга қўшилди. 

• 71'
  

  Мбаппе ўйиндан ташқари ҳолатда қолиб кетди. 

• 65'

  Вератти майдонда жароҳат олиб ётибди. 

• 62'

  Куртуа Мессининг пенальтидан йўллаган зарбасини қайтарди. 

• 61'
  

  Ҳакам "Реал" дарвозаси томон пенальти белгилади. 

• 58'
  

  Ферлан Мендига сариқ карточка кўрсатилди. У Данилонинг оёғини босиб олди. 

• 57'

  Мбаппе олисдан зарба йўллаб кўрди, бироқ Куртуа осонлик билан тўпни ушлаб олди. 

• 54'

  Кросснинг олисдан йўллаган зарбаси бироз ноаниқ чиқди. 

• 53'

  Мессининг зарбасидан сўнг Куртуа ортиқча қийинчиликсиз тўпни эгаллаб олди. 

• 52'
  

  Эдер Милитао майдон марказида ўйин қоидасини бузиб, сариқ карточка билан жазоланди. 

• 50'

  Мбаппенинг жарима майдони ичида йўллаган кучли зарбасини Куртуа қайтариб юборди. 

• 49'

  Парижликлар яна тўп назоратини ўз қўлига олди. 

• 47'

  "Реал" ПСЖ жарима майдонида босим уюштирмоқда. 

• 46'

  Жамоалар майдонга қайтмоқда. 

• 46'
  

  Биринчи бўлим ниҳоясига етди. Ҳозирча ҳисоб 0:0

• 45'
  

  Бурчакдан узатилган тўпдан сўнг Каземиро бош билан кучли зарба йўллади, аммо ноаниқ. 

• 42'

  "Реал" позицион ҳужумга ҳозирлик кўрмоқда. 

• 39'
  

  Вератти майдон марказида Каземирога нисбатан жиддий қўполлик ишлатди ва сариқ карточка билан жазоланди. 

• 37'
  

  Каземирога сариқ карточка кўрсатилди. У майдон марказида Паредесга нисбатан ўйин қоидасини бузди. 

• 35'

  "Реал" қарши ҳужумга ўтаётган бир пайтда Нуну Мендеш ишончли ўйнаб, рақиб ҳужумини тўхтатди. 

• 32'

  Лео икки футболчини алдаб ўтиб, ўнг оёқда зарба йўллади, аммо ноаниқ. 

• 29'

  "Қироллик клуби" яқин масофадан жарима зарбаси тепиш имкониятига эга бўлди. 

• 27'

  "Реал" тўпни ўз жарима майдончасидан узоқлаштиришга муваффақ бўлди. 

• 24'

  Майдон марказида Каземирога нисбатан ўйин қоидаси бузилди. 

• 22'

  Майдон марказида парижликлар тўпни эгаллаб турибди ва навбатдаги ҳужумга ўтишга ҳозирлик кўрмоқда. 

• 19'

  Вератти жарима майдони ичида тўп билан ҳаракатланаётганди, бироқ сўнгги палллада Каземиро ундан тўпни олиб қўйди. 

• 17'

  Мбаппе жарима майдони ичида тўпни қабул қилиб олди ва кучли зарба йўллади. Куртуа ўз ўрнида. 

• 14'

  Ашраф Ҳакимининг қанотдан узатган тўпини ҳимоячилар қайтарди. 

• 8'

  ПСЖ тўп назоратини тўлиқ ўз қўлига олди. 

• 5'

  Мбапппе қанотдан ёриб кирди ва Ди Марияни тўп билан таъминлади. Аргентиналик футболчининг зарбаси анча ноаниқ чиқди. 

• 2'

  Месси олдинга ўтаётган бир пайтда Каземиро ундан қоида бузмасдан тўпни олиб қўйди. 

• 1'
  

  Учрашувга старт берилди. 

• 0'

  Жамоалар майдонга тушиб келишди. Учрашув бошланишига ҳамма нарса шай ҳолатда. 

• 0'

  Ассалому алейкум қадрли футбол мухлисалри. Уефа чемпионлар лигаси 1/8 финалидан ўрин олган ПСЖ - "Реал" иштирокидаги илк баҳс бошланишига кам вақт қолди. Мазкур ўйиндан матнли трансляцияни сайтимиз орқали кузатиб боринг.