ПСЖ бу ҳужумчи учун АПЛ грандлари билан курашиши керак

ПСЖ "Астон Вилла" футболчиси Морган Рожерс учун курашга қўшилди.

Аввалроқ 23 ёшли футболчига Англиянинг етакчи клублари — "Арсенал", "Челси" ва "Манчестер Юнайтед" қизиқиш билдираётгани ҳақида хабарлар тарқалган эди. "The Telegraph" маълумотига кўра, энди парижликлар ҳам бу трансферга жиддий қизиқиш билдирмоқда.

Бирмингем клуби ўз юлдузи учун 80 миллион фунтдан юқори маблағ талаб қилади. Агар даъвогарлар сони бир нечта бўлиб қолса, қатъий трансфер суммаси 90 миллион фунтгача, бонуслар билан эса қарийб 100 миллион фунтгача етиши мумкин.

Трансфердан тушадиган маблағнинг бир қисми ҳар қандай ҳолатда "Мидлсбро"га тегишли бўлади. Чунки "Астон Вилла" футболчини 15 миллион фунтга сотиб олган ва фойданинг 20 фоизини собиқ клубига ўтказиб бериши керак.