ПСЖ Эндрикни сотиб олмайди

ПСЖ бразилиялик футболчи Эндрикни сотиб олишга ҳаракат қилаётганди. Аммо клуб эндиликда бу курашдан чиққани ҳақида Фабрицио Романо хабар бермоқда.

Сабаби, "Палмейрас" ПСЖнинг 58 миллион евролик таклифини рад қилган. Эндиликда жамоа футболчини сотиб олмайди.

Эндрик 16 ёш бўлишига қарамай, Европанинг бир қатор клублари эътиборига тушди. Маълум бўлишича, "Реал" ҳужумчини ўз таркибига қўшиб олишга яқин. У жорий мавсум барча чемпионатларда 14 та ўйинда майдонга тушиб, 9 та гол ва 1 ассист амалга оширди.