ПСЖ етакчиси билан шартномани узайтирмоқчи эмас

ПСЖ ҳимоячи Серхио Рамос билан шартномани узайтирмайди. Бу ҳақда "RMC Sport" нашри ёзмоқда.

Испаниялик футболчининг парижликлар билан амалдаги келишуви 2023 йилнинг ёзига қадар мўлжалланган. Рамос Парижда қолмоқчи, бироқ клуб Серхио келажакда юқори савияда ўйнай олишига шубҳа билан қарамоқда. ПСЖ испан билан янги шартнома имзоламасликка интилмоқда, аммо ҳимоячида ишонтириш учун ҳали вақт етарлича.

Маълумот учун, Серхио клуб бош мураббийи Кристоф Гальте ва парижликларнинг етакчилари билан яхши муносабатда. Аввалроқ, футболчига "Ан-Наср" қизиқаётгани ҳақида хабарлар тарқалганди.