ПСЖ ҳимоячисига "Реал"дан чақирув бор

Мадриднинг "Реал" клуби ўнг қанот ҳимоячиси Дани Карвахаль ўрнига янги ҳимоячи қидирмоқда. "Todofichajes" нашри хабарига кўра, "қироллик клуби"нинг қизиқишлари доирасига жамоанинг собиқ футболчиси, ҳозирда Франциянинг ПСЖ клубида тўп сураётган Ашраф Ҳакими тушиб қолган.

Париж гранди Ашрафнинг трансфери бўйича музокаралар жараёнига тайёр. Лига 1 чемпиони марокашлик ҳимоячига 65 миллион евро таклиф қилинса, уни қўйиб юборади. Ҳакимининг ПСЖ билан шартномаси 2026 йилнинг ўрталарига қадар тузилган.

Франция чемпионатининг жорий мавсумида Ҳакими бешта учрашувда иштирок этиб, битта гол ва битта голли узатмага муаллифлик қилди.