PSJ Ikardini “Inter”dan oladigan bo‘ldi. Foydani esa “Yuventus” ko‘radi
PSJ rahbariyati ijara asosida o‘ynayotgan argentinalik to‘purar Mauro Ikardining transferini sotib olishga qaror qildi.
Parijliklar “Inter” hujumchi uchun so‘ragan 60 million evroni to‘lashga tayyor.
Eng qizig‘i, bu transfer “Yuventus”ning foydasiga ishlashi kutilmoqda. Chunki Turin klubi xo‘jayinlari ham o‘z jamoasida Ikardini ko‘rmoqchi. Ularning “Inter” bilan o‘zaro munosabatlari yomonligi tufayli bu transferni to‘g‘ridan-to‘g‘ri amalga oshirib bo‘lmas edi.
Endi Mauro Ikardi PSJga o‘tadigan bo‘lsa, uni Parijdan Turinga olib kelish “Yuventus”ga ortiqcha muammo tug‘dirmaydi.
Fikrlar