ПСЖ испан клуби дарвозабонини сотиб олди

ПСЖ ва "Севилья" дарвозабон Серхио Риконинг трансфери борасида келишувга эришди.

Бир йил аввал, францияликлар 27 ёшли дарвозабонни сотиб олиш ҳуқуқи билан ижарага олганди.

Испаниялик посбон ПСЖ билан 2024 йилнинг ёзига қадар мўлжалланган битимга имзо чекди. Париж клуби Рикони 6 млн евро эвазига сотиб олиш ҳуқуқидан фойдаланди.

Кейлор Наваснинг "соясида" қолган Серхио Рико Лига 1 мусобақасининг якунига етган мавсумида 1 марта майдонга тушди холос.

Чемпионлар лигасининг чорак финалидан ўрин олган "Аталанта"га (3:1) қарши учрашувда испаниялик посбон жароҳат олган Наваснинг ўрнига захирадан қўшилган бўлса,  "Лейпциг"га қарши ярим финалда (3:0) тўлиқ ўйнади.