ПСЖ испаниялик ярим ҳимоячига узоқ муддатли шартнома таклиф қилишга тайёр

ПСЖ ярим ҳимоячиси Фабиан Руис клуб билан янги шартнома имзолаши мумкин. Испаниялик футболчининг амалдаги шартномаси 2027 йил ёзигача бўлса-да, Париж клуби раҳбарлари хавбекнинг ҳаракатларидан мамнун ва у билан узоқ муддатли ҳамкорлик қилишни умид қилмоқда.

Журналист Экрем Конурнинг хабар беришича, ПСЖ 29 ёшли футболчига 2029 йилгача мўлжалланган шартнома таклиф этишга тайёр. Фабиан Руисга "Ювентус", "Атлетико" ва "Бетис" клублари қизиқиш билдирган. Бироқ, футболчи Парижда ўзини бахтли ҳис қилмоқда ва жамоада қолишни хоҳлаяпти.

Руис жорий мавсумда 7 та ўйинида иштирок этиб, 1 та гол урди ва 2 та голли узатма берди.