ПСЖ Каванига "Ливерпул"дан ўринбосар топди

"Ливерпуль" клуби форварди Роберто Фирмино ПСЖнинг қизиқишлар доирасига кириб қолди.

ВВС тарқатган хабарга қараганда парижликлар 27 ёшли бразилиялик футболчини яқинлашиб келаётган ёзги трансферлар даврида сотиб олишни режалаштиришмоқда. Улар Фирминони ёзда жамоадан кетиши мумкин бўлган Эдинсон Каванига муносиб кўришмоқда.

Маълумот учун, Фирмино жорий мавсум “Ливерпуль” сафида 47та ўйинда майдонга тушди ва 16та гол ҳамда 8та голли узатма ёздириб қўйишга эришди. Унинг мерсисайдликлар билан амалдаги шартномаси эса 2023 йилга қадар имзоланган. Трансфер баҳоси эса 80 млн еврога баҳоланмоқда.