ПСЖ: Мбаппе out, Месси in
"Пари Сен-Жермен" ҳужумчиси Килиан Мбаппе 2021 йил ёзида "Реал"га кўчиб ўтиши мумкин.
Бироқ энди парижликлар раҳбарияти франциялик форвард клубни тарк этишидан ортиқча хавотирга тушмаяпти, чунки ПСЖ "Барселона" ҳужумчиси Лионель Месси билан деярли келишувга эришиб бўлди.
Аргентиналик футболчи Чемпионлар лигасининг ўтган мавсумдаги финалчиси таркибида Неймар билан яна тандем ҳосил қилишга қарши эмас. Олдинроқ, Неймарнинг ўзи ҳам янги мавсумни собиқ жамоадоши билан бир клубда ўтказиш эҳтимоли борлиги ҳақида айтиб ўтган эди.
Мессининг ПСЖга трансфери парижликлар учун фойдали бўлади. Чунки аргентиналик форварднинг каталонияликлар билан шартномаси мавсум сўнгида якунига етади ва у Париж клубига эркин агент мақомида келиб қўшилади. Шунингдек, Мбаппенинг трансферидан клуб катта маблағ ишлаб олишни режалаштирмоқда.
Лео Месси дунёнинг энг кўп маош олувчи футболчиларидан бири, бироқ Мбаппе Мадридга трансфер қилинса, унда унинг маоши тўғридан тўғри аргентиналик форвардга берилади. Месси ва ПСЖ январь ойидаёқ келишиб олишни режалаштирмоқда.
Ўтган трансфер ойнаси вақтида "Сити" раҳбарияти Месси трансферидан воз кечгани ортидан, футболчи янги мавсумни ПСЖда бошламоқчи.
Фикрлар