ПСЖ Мбаппега янги шартнома таклиф қилдими? Футболчининг ўзи жавоб берди

Франция терма жамоаси ҳужумчиси Килиан Мбаппе терма жамоа йиғини доирасида журналистларнинг саволларига жавоб берар экан келажаги борасидаги масалаларга ойдинлик киритди:

"Айни вақтда менга клуб томонидан ҳеч қандай таклиф бўлмади. Янги шартнома масаласида ҳеч қандай олдинга силжиш кўрмаяпман. Албатта, жамоам менга таклиф билан чиқса, уни кўриб чиқаман. Аммо бунинг учун, аввало, фикримни бир жойга жамлаб олишим керак. 

Атрофдагиларнинг тинимсиз сен ҳақингда гапириши, танқид қилиши чарчатадиган жараён. Клуб ва терма жамоада бир хилда тер тўкиб, меҳнат қиласан - одамлар сени иштиёқсизликда айблайди. Буни қабул қилиш оғир. 

Четда фаолият олиб борувчи ва терма жамоага ФИФА кунларида етиб келувчи футболчиларнинг вазияти тушунарли. Мен эса доим шу ердаман. Ўзим ҳақимдаги гапларни қолганлардан кўпроқ эшитаман", - дейди Мбаппе. 

Матнда хатолик топсангиз, ўша хатони белгилаб, бизга жўнатинг (Ctrl + Enter)