ПСЖ Мбаппени олиб қолишнинг антиқа усулини топди

ПСЖ юлдузи Килиан Мбаппе фаолиятини бошқа жамоада давом эттирмоқчи.

"L’Equipe" нашри маълумотларига кўра, раҳбарият франциялик футболчини олиб қолиш учун унга сардорлик боғичини беришга ҳам тайёр. Улар бу йўл Мбаппенинг фикрини ўзгартира олишига ишонмоқда.

Чемпионлар лигаси 1/8 финали доирасидаги "Реал"дан учралган мағлубиятдан сўнг айни пайтдаги сардор Маркиньоснинг жамоадаги мавқейи тушган. Парижликлар бир ўқ билан икки қўённи урмоқчи.

Маълумот учун, Килиан 2017 йилдан бери ПСЖ шарафини ҳимоя қилиб келмоқда. Бу вақт оралиғида у 208 учрашувда майдонга тушиб, 158 та гол ва 78 ассист муаллифига айланган.