PSJ: Mbappeni ushlab qolish uchun bir ishga qo‘l urgan edi...

O‘tgan yozda PSJ rahbariyati “Barselona”dan Usmon Dembele va “Ayntraxt”dan Randal Kolo Muani kabi qimmatbaho o‘yinchilarni transfer qilgandi.

Endi ma’lum bo‘lishicha, parijliklar bu ikki futbolchini jamoa etakchisi Kilian Mbappeni tarkibda olib qolish uchun xarid qilgan ekan.

AS nashrining ta’kidlashicha, poytaxt klubi xo‘jayinlari Kilian Mbappega jamoada juda qulay sharoit va katta imkoniyatlar yaratib berishga bel bog‘lagan. Usmon va Randal Kilianning yaqin do‘stlari hisoblanadi va shuning uchun ham PSJga olib kelingan.

PSJ amalga oshirayotgan yirik loyiha Mbappe atrofida amalga oshirilishi belgilab qo‘yilgan. Shuning uchun ham 25 yoshli forvardning jamoada qolishi eng muhim masala hisoblanadi.