ПСЖ мухлислари учун зўр хушхабар!

ПСЖ ҳимоячиси Маркиньос жароҳатидан соғайиб сафга қайтди ва умумий гуруҳ машғулотларига қўшилди. Бу ҳақда француз нашрлари хабар тарқатмоқда.

26 ёшли бразилиялик футболчи Чемпионлар лигаси чорак финалидан ўрин олган “Бавария”га қарши ўйинда жароҳат олган эди. Шундан буён у бирорта ҳам ўйинда майдонга тушгани йўқ.

Маркиньосда 28 апрель куни “Манчестер Сити”га қарши бўладиган Чемпионлар лигаси ярим финал дастлабки баҳсида иштирок этиш имконияти мавжуд.

Маркиньос жорий мавсум Франция чемпионатида жами 21 та ўйинда майдонга тушди. У ушбу учрашувларда ўз ҳисобига 1 та гол ҳамда 1 та голли узатма ёздириб қўйишга эришди.