ПСЖ Погбага МЮдагидан кам маош таклиф қилмоқда

"Манчестер Юнайтед" ярим ҳимоячиси Поль Погба ёзги трансферлар мавсумида жамоани тарк этади, чунки франциялик футболчи аввалроқ якунига етиб бораётган шартномасини узайтиришдан бош тортган эди.

Франциялик журналист Адриен Грениернинг ёзишича, ПСЖ аллақачон футболчига таклиф юборган. Манбага кўра, парижликлар таклиф қилаётган маош франциялик футболчининг "Манчестер Юнайтед"да ҳар йили оладиган маошидан кам.

Шунингдек, Погбанинг ўзи 2012 йилдан 2016 йилгача ўйнаган Туриннинг "Ювентус" клубига қайтишни хоҳлаётгани қайд этилган. Ҳозирча Аллегри жамоаси ярим ҳимоячи қандай шартларни таклиф қилишга тайёрлиги ҳақида маълумотлар мавжуд эмас.