ПСЖ президентининг ўзи шахсан Давид Алаба билан гаплашди

Мавсум якунлангач “Бавария”дан кетишини эълон қилган ҳимоячи Давид Алабанинг ҳали ҳам қайси жамоага ўтиши номаълум бўлиб турибди.

Sky Sport Deutschland нашрининг маълум қилишича, 28 ёшли австриялик футболчини ПСЖ ўз сафида кўрмоқчи. Алаба билан ҳатто клуб президенти Носир Ал-Хелайфи шахсан ушбу масалада гаплашган. Аммо Давид ҳали ҳам якуний қарорга келгани йўқ. У кўпроқ Испания чемпионатига ўтишни хоҳламоқда.

Бундан аввалроқ Алаба “Реал”га ўтиши ҳақида хабарлар тарқалган эди.

Матнда хатолик топсангиз, ўша хатони белгилаб, бизга жўнатинг (Ctrl + Enter)