PSJ superdarvozabonni olib, darrov ijaraga beradigan bo‘ldi

Football Italia  nashrining xabar berishicha, “Pari Sen-Jermen” rahbariyati “Milan”ni erkin agent sifatida tark etgan 22 yoshli darvozabon Janluiji Donnarumma bilan shaxsiy shartnoma borasida kelishuvga erishdi.

Ma’lumotlargaqa qaraganda, italiyalik darvozabon parijliklar bilan shartnoma imzolashi bilan yurtiga qaytarib yuboriladi. “Roma” bosh murabbiyi Joze Mourino uni ijaraga olishni rejalashtirmoqda.

Ayni paytda, Mourin Rim klubi rahbarlariga bu transfer bo‘yicha ish boshlashni aytgan va o‘zi Donnarumma bilan bog‘lanib, uni “Roma”ga o‘tishga ko‘ndira olishiga ishonmoqda.

Donnarumma o‘zini tarbiyalagan “Milan”da 2015 yildan beri o‘ynayotgan edi. U Italiya terma jamoasining ham asosiy darvozaboni hisoblanadi.