ПСЖ таркибни ёшартириш йўлида қатор етакчилардан воз кечмоқчи

ПСЖ раҳбарияти мавсум поёнига етганидан сўнг, жамоа таркибини ёшартиришни режалаштирмоқда.

Франция матбуотига кўра, клуб раҳбарияти ёзда шартномаси якунланадиган 41 ёшли дарвозабон Жанлуиджи Буффон ва ҳимоячи 35 ёшли Дани Алвес билан хайрлашиши кутилмоқда. Катта эҳтимол билан клуб бу футболчилар билан шартномани узайтиришни режалаштирмаяпти. Шунингдек, клуб сардори Тиаго Силва ҳам парижликлар сафини тарк этиши мумкин. 34 ёшли футболчи яқинда Франция фуқаролигин олган эди.

Аввалроқ клуб мутассадилари Буффон ва Алвесга янги шартнома таклиф этишлари мумкинлиги борасида маълумотлар пайдо бўлган эди.