ПСЖ "Тоттенхэм"га Дракслерни сотиб олишни таклиф қилмоқда

ПСЖ клуби ярим ҳимоячиси Юлиан Дракслер фаолиятини "Тоттенхэм"да давом эттириши мумкин. Бу ҳақда Daily Star нашри хабар тарқатмоқда.

Юқоридаги манбаага кўра Франция чемпиони “шпорлар”га 25 ёшли немис футболчисини сотиб олишни таклиф қилмоқда. Айтиш керакки, Дракслер лондонликлар сафидан кетиши айтилаётган Кристиан Эриксенга муносиб ўринбосар бўлиши мумкин.

Маълумот учун, Дракслер якунига етган мавсумда ПСЖ сафида жами 46та ўйинда майдонга тушди ва 5та гол ҳамда 12та голли узатмага муаллифлик қилишга эришди. Унинг париж клуби билан амалдаги шартномаси 2021 йилга қадар имзоланган.