ПСЖ унинг кетишига рухсат беради

Аргентиналик мутахассис Маурисио Почеттино мавсум охирида ПСЖни тарк этиши мумкин. Бу ҳақда "Goal.com" нашри хабар берди. 

Ҳафта бошида Париж клуби ва "Манчестер Юнайтед" расмийлари ўртасида музокара бўлиб ўтган. Унда парижликлар раҳбарияти ҳозирча Почеттинонинг кетишига йўл қўймаслигини айтди. 

Шунга қарамай, француз клуби мавсум якунида унинг кетишига қарши эмас. Қайд этиш лозим, Маурисио айни дамда "қизил иблислар" мураббийлиги учун устувор вариант ҳисобланади. 

Эслатиб ўтамиз, манкунияликларни яқин кунлар ичида германиялик Ральф Рангник қабул қилиб олиши кутилмоқда.