PSJ va “Bavariya” birgalikda rekord o‘rnatdi

PSJ va “Bavariya” oʻrtasidagi Chempionlar ligasi yarim final bahsida (5:4) jamoalar jami toʻqqizta gol urdi.

Bu musobaqa tarixida ilk bor ushbu bosqichning bir uchrashuvida klublar toʻqqizta toʻp kiritgan holat boʻldi.

Bu haqida Opta xabar berdi.

Qayd etilishicha, 1959-1960 yildgi Yevropa chempionlar kubogi yarim finalida “Ayntraxht” futbolchilari “Reynjers”ni 6:3 hisobida magʻlub etgan, ammo oʻsha paytda musobaqa boshqacha formatda oʻtkazilgan edi.

Endi musobaqaning amaldagi chempioni “Pari Sen-Jermen” yana finalga chiqishi uchun Myunxenda oʻtkaziladigan javob oʻyinida durang natijani ushlab qolishi kifoya qiladi.

“Bavariya” bosh murabbiyi Vensan Kompani esa, javob oʻyinida jamoasi gʻalaba qozonib, vaziyatni oʻnglay olishiga ishonch berdi.