ПСЖ хўжайини Мбаппе ва Неймар бўйича сўнгги қарорини айтди
ПСЖ президенти Нассер ал-Хелаифий Европа Чемпионлар лигасининг нимчорак финалида “Барселона” мусобақадан чиқариб юборилганидан кейин эҳтиросга берилиб, катта ваъдалар қилди.
- Мен учун Чемпионлар лигасининг чорак финалига чиқиш шараф. Тўрт йил олдинги мағлубиятни ҳам унутиб юбордим.
Тарихда ҳаммаси қолади. Биз зўр ўйнадик ва “Барселона”ни мусобақадан чиқариб юбордик. Килиан Мбаппе ва Неймар ПСЖ ўйинчиларидир. Улар фаолиятининг охиригача шу ерда қолади, - деди ал-Хелаифий.
Жамоа етакчилари бўлган Килиан Мбаппе ва Неймарнинг амалдаги шартномаси 2022 йилнинг ёзигача давом этади. Айни пайтда клуб раҳбарияти ҳар икки футболчи билан янги битим бўйича музокара ўтказяпти. Неймар қолишга қарор қилган бўлса, Мбаппе ўз кучини бошқа чемпионатларда синаб кўрмоқчи.
Фикрлар